Zamonaviy moliya tizimi va fond bozori

Zamonaviy moliya tizimini moliya bozorisiz tasavvur qilib bo`lmaydi.
Fond bozori esa moliya bozorida muhim ahamiyatga ega...

Interaktiv

Xizmatlar

Emitentlar

Emitentlar va ularning qimmatli qog'ozlari bo'yicha maʼlumotni izlash

Izlash

Valyutalar kursi

Top 10 listing kompaniyalari

Davr va muddatlari bo`yicha

Saytga o`tish

Qimmatli qog'ozlar ro'yхati

ISIN va CFI kodga ega barcha qimmatli qog'ozlar ro'yхati

Ko`rish

Savdo hisobvarag'i

Mijozlarning savdo hisobvarag'i bo'yicha izlash

Izlash

Xalqaro kodlari bo'yicha

Qimmatli qog'ozlarning хalqaro kodlari bo'yicha maʼlumotni izlash

Izlash

Yangiliklar

E'lon, xabar va yangiliklar

Image

Ўзбекистон Республикасида 2022 йилда аҳолини рўйхатга олишни ўтказиш моҳияти, мақсадлари, ва тамойиллари

manager 23.11.2020 12:40:29 Yangiliklar

Ўзбекистон Республикаси Президентининг 2019 йил 5 февралдаги “Ўзбекистон Республикасида 2022 йилда аҳолини рўйхатга олишни ўтказиш концепциясини тасдиқлаш тўғрисида”ги ПФ-5655-сон Фармонига мувофиқ республикамизда 2022 йилда аҳолини рўйхатга олиш тадбирини ўтказиш белгиланган.

Жорий йилнинг 16 март куни Ўзбекистон Республикасининг “Аҳолини рўйхатга олиш тўғрисида”ги Қонуни қабул қилинди. Шунингдек, Ўзбекистон Республикаси Олий Мажлиси Сенатининг 2020 йил 28 февралдаги СҚ-36-IV-сонли қарори қабул қилиниб, қонунни амалга оширишга доир тадбирлар режаси тасдиқланди.

Шу билан бирга, 2020 йил 17 март куни Ўзбекистон Республикаси Бош вазири томонидан Ўзбекистон Республикасида 2022 йилда аҳолини рўйхатга олишни ўтказишга кўмаклашиш бўйича республика комиссиясининг баённомаси тасдиқланди.

Аҳолини рўйхатга олиш – бу мамлакат аҳолисининг муайян вақтдаги “фотосурати”ни олиш имконини берувчи умумдавлат миқёсидаги кенг кўламли тадбир бўлиб, аҳоли тўғрисидаги ишончли ахборот манбаи ҳисобланади.Аҳолини рўйхатга олиш – даврий оралиқда мамлакат ҳудудидаги ва унинг кичик аҳоли пунктларидаги аҳолининг расмий ҳисобга олиш бўлиб, барча аҳолининг ижтимоий ва демографик тавсифлари тўғрисидаги маълумотларни йиғиш ҳисобланади. Бу тадбир кишилар тўғрисидаги маълумотларни йиғиш, қайта ишлаш ва умумлаштириш жараёнларини, шунингдек демографик, иқтисодий ва ижтимоий маълумотларни баҳолаш, эълон қилиш ва таҳлил қилишни ўз ичига олади.

Аҳолини рўйхатга олиш тадбири иқтисодий жиҳатдан бизга нима беради.

Биринчидан, аҳоли жон бошига макроиқтисодий кўрсаткичларни (ялпи ички маҳсулот, аҳоли даромадлари, саноат маҳсулоти ҳажми, истеъмол маҳсулотлари ҳажми, аҳолига кўрсатиладиган хизматлар ҳажми, қишлоқ хўжалиги маҳсулотлари) ҳисоблашда фойдаланилади.

Иккинчидан, республика ва ҳудудларни ижтимоий-иқтисодий ривожлантириш, аҳоли бандлиги, аёллар ва болалар саломатлигини яхшилаш ва оилаларга ёрдам кўрсатиш бўйича дастурларни манзилли ишлаб чиқишда ахборот манбаи сифатида хизмат қилади

Учинчидан, аҳоли пунктларининг инфратузулмасини яхшилашда, меҳнат ресурсларидан фойдаланиш ва жойлаштириш бўйича қисқа, ўрта ва узоқ муддатли дастурларни ишлаб чиқишда ишлатилади.

Бундай маълумотлар ижтимоий-иқтисодий жараёнларни олдиндан баҳолаш, бандлик соҳасидаги сиёсатни белгилаш, ижтимоий сиёсат ва аҳоли саломатлиги бўйича дастурларни яратишда, шунингдек давлат ҳокимияти органларининг вазифаларини бажариши, илм-фан ва жамиятни ахборот билан таъминлаш учун зарурдир.

Хўш, аҳолини рўйхатга олиш тадбирларини ўтказиш билан боғлиқ харажатлар қайси молиявий манбалар ҳисобига қопланади.

Ўзбекистон Республикасида 2022 йилда аҳолини рўйхатга олишни ўтказиш концепциясига мувофиқ аҳолини рўйхатга олиш тадбирларини ўтказиш билан боғлиқ харажатлар Ўзбекистон Республикаси Президентининг ҳужжатларига ва Вазирлар Маҳкамасининг қарорларига мувофиқ белгиланган тадбирларни амалга ошириш учун кўзда тутилган Ўзбекистон Республикаси Давлат бюджети маблағлари ва қонун билан тақиқланмаган бошқа маблағлар хисобига молиялаштирилади.

Молиялаштириш учун зарур маблағлар ҳажми Ўзбекистон Республикаси Давлат статистика қўмитаси, Молия вазирлиги, Иқтисодиёт ва саноат вазирлиги ва бошқа масъул идоралар ҳисоб-китоблари асосида, шунингдек, тендер савдолари ва тендер ҳужжатларини расмийлаштириш натижалари бўйича аниқланади.

Аҳолини рўйхатга олишга тайёргарлик кўриш ва уни ўтказишга, унинг материалларини қайта ишлашга, натижаларини олиш ва эълон қилишга жалб этилган ходимларнинг меҳнатига ҳақ тўлаш махсус ишлаб чиқилган ва тасдиқланган нормативлар асосида амалга оширилади.

Ушбу фармонида белгиланган вазифалар ижроси бажарилиши, аҳолини рўйхатга олиш ишларини янада самарали ўтказиш жараёнларидаги маъсулиятини янада ошириш мақсадида Ўзбекистон Республикаси Вазирлар Махкамасининг 2020 йил 11 ноябрдаги 710-сонли қарорига асосан аҳолини рўйхатга олиш ишлари 2023 йилга қолдирилди.

Фарғона шаҳар статистика бўлими

Image

“Молиявий пирамида” лардан эхтиёт бўлинг!

Ilhomjon 25.09.2020 19:43:31 Yangiliklar

Ўзбекистонда иқтисодиётни либераллаштириш, тадбиркорлик фаолияти учун зарур шарт-шароитлар яратиш борасида кенг кўламли ислохотлар олиб борилаётган бир пайтда, мамлакат худудларида турли хил кўринишдаги “молиявий пирамидалар” пайдо бўлаётгани тўғрисида кейинги пайтда тез-тез хабарлар янграмоқда.

Манбааларга кўра молиявий пирамидаларни келиб чиқиш тарихи 18 асрга бориб тақалади. Бугунги кунга қадар уларнинг 100 минг ортиқ турлари аниқланган.

Маълум бўлишича, одатда келиб чиқиши чет элларда бўлган жиноий гурухлар хар хил электрон платформалар, сайтлар ва ахборот тизимларини ташкил қилиш орқали ноқонуний бойлик орттириш мақсадида ахолининг бўш пул маблағларини жалб қилиш учун Ўзбекистонга кириб келмоқдалар.

Бундай лойихаларнинг жозибадорлигини ошириш ва кўп сонли иштирокчиларни жалб қилиш мақсадида улар турли хил усуллардан, схемаларданфойдаланишмоқда. Булар орасида энг оммавийси “понци схемаси” дир.

“Понци схемаси”- бу молиявий пирамида ташкил этишнинг жиноий схемаси бўлиб, у аввалги инвесторларнинг даромадларини янги инвесторлардан олинган даромадлар хисобидан тўлашни назарда тутади. Аввалига бу жуда фойда келтирувчи схема бўлиб кўриниши мумкин. Аммо у одатда янги инвесторларнинг маблағлари оқими эски инвесторларга тўлаш учун етарли бўлмай қолгандан сўнг бузилади.

Мутахассислар фикрига кўра бундай фирибгарлик лойихаси муаллифлари қандайдир жозибадор номлар билан фаолият юритишади. Шундай бўлсада уларнинг айрим белгиларидан шубхали лойиха эканлигини билиш мумкин:

  • Компаниянинг келиб чиқиш жойи, манзили номаълумлиги;
  • Хар қандай молиявий жавобгарликни рад этиш ва иштирокчидан битимёки шартномада барча хатарни қабул қилишга рози эканлигини талаб қилиш;
  • Шубҳали ёки оддий фойдаланувчи учун тушунарсиз хизматлар ва махсулотлар таклиф қилиш;
  • Муайян платформада келгусида ишлаш учун маблағларни мажбурий инвестициялаш бўйича талабларнинг мавжудлиги;
  • Янги иштирокчиларни жалб қилиш орқали даромад олишнинг кўп босқичли дастурининг мавжудлиги;
  • Ушбу лойихага маблағ киритган бошқа иштирокчиларнинг юқори даромадларини намойиш этиш орқали жозибадорликни ошириш;
  • Иштирокчиларнинг зарур билимлари йўқлигини хисобга олган холда “крипто валюталарнинг юқори истиқболлари” билан манипуляция қилиш;
  • Компанияни гўёки кенг кўламли фаолият кўрсатиши ва лойихага кенг аудиторияни жалб қилиш мақсадида йирик тадбирларни ташкил қилиш;
  • Иштирокчиларга маълум малака ва бошқа талаблар қўйилмаслиги.

Бундай компаниялар томонидан фуқароларга хар хил турдаги қимматли қоғозлар, крипто активларга инвестиция қилиш, қандайдир ютуқли ўйинларда иштирок этиш таклиф қилиниб турли хил миқдордаги даромадлар ваъда қилинмоқда.

Юқоридаги хизматларни таклиф қилаётган компаниялар Ўзбекистон Республикасида белгиланган тартибда аккредитациядан ўтмаган, тегишли лицензияга ва ходимлари малака гувохномаларига эга эмас. Уларнинг вакиллари асосан жойларда, ижтимоий тармоқларда норасмий равишда тарғибот қилиш орқали фуқароларни ўз лойихаларига жалб қилмоқдалар.

Ўзбекистон Республикасидабундай молиявий фирибгарликлар учун жиноий жавобгарлик белгиланган.

Молиявий-хуқуқий саводхонлиги етарли бўлмаган кўплаб фуқароларимиз ана шундай молиявий фирибгарликлар қурбони бўлишлари, ўз маблағларини йўқотишнинг эхтимоли жуда катта. Буни олдини олиш мақсадида яқинларимизни, хусусан ёшларни бу хавфдан огохлантиришимиз даркор. Шунингдек оммавий ахборот воситаларида, ижтимоий тармоқларда, жойларда, корхона ва ташкилотларда бундай хавфдан огохлантирувчи тушунтириш ишларини олиб бориш мақсадга мувофиқдир.

Шунингдек шубҳали молиявий схемалар асосида айрим компанияларнинг ёки шахсларнинг фаолияти тўғрисида маълумот келиб тушганда белгиланган тартибда хуқуқни мухофаза қилувчи идораларга хабар бериш лозим.

Ўз навбатида, Капитал бозорини ривожлантириш агентлиги Ўзбекистон Республикаси фуқароларидан ўз маблағларини ноқонуний даромад олиш мақсадида капитал бозори элементлари ва атамаларидан фойдаланган ҳолда фирибгарлик билан шуғулланувчи шахсларга ишониб топширмасликни сўрайди ҳамда махаллий эмитентлар қимматли қоғозларига инвестиция киритишни ва бу борада капитал бозорининг тегишли лицензияга эга иштирокчилари билан ҳамкорлик қилишни тавсия қилади.

Мақсуджон Кенжаев

Капитал бозорини ривожлантириш агентлиги

Фарғона вилоят худудий бошқармаси бошлиғи



Aloqa

Bog`lanish uchun kontaktlar

Aloqa uchun

Manzil

Farg'ona shahri, Qomus k. 40-uy.

Telefon(lar)

73-244-30-37, 90-277-68-80

Email

info@barakaif.uz

Telegram kanalimizga a'zo bo`lishni istasangiz
Unda bu yerga bosing